Fréttir

Þú ert persóna í skólanum, ert ekki bara einhver. Kennarana langar að þér gangi vel. Þetta var strembið fyrst. Miklu meira öryggi. Maður týnist ekki. Námsframboðið er ótrúlegt. Þú ert mjög velkomin. Þægilegt umhverfi, allt í boði og stutt í allt. Þetta eru nokkrar setningar frá ungmennum um það hvernig er að vera framhaldsskólanemi á Norðurlandi eystra. Viltu heyra meira?

Árið 2022 hlaut verkefnið STEM Húsavík styrk úr Uppbyggingarsjóði Norðurlands Eystra. Fjármagn sem var nægilegt til að vökva sprotann sem óx upp í hjúpi Stéttarinnar, samfélagi nýsköpunar, þekkingar og rannsókna á Húsavík. Á þessu eina ári hafa skrefin orðið mörg og sífellt bæst við skóúrvalið.

Það er alltaf jafn yndisleg tilfinning þegar byrjar að hlýna og við finnum hvernig sumarið tekur utan um okkur. Sólin skín og lýsir upp fallega landshlutann okkar og við tökum sumrinu sannarlega opnum örmum. Það er eins og samfélagið allt vakni til lífsins með náttúrunni og við fyllumst orku og gleði til að skapa ný tækifæri og stuðla að vexti sprota sem áður hafði verið plantað.

Þrír starfsmenn SSNE tók þátt í náms- og kynnisferð ferð Byggðastofnunar og sjö landshlutasamtaka til Noregs í maí, með í ferðinni voru einnig fulltrúar innviðaráðuneytisins og byggðamálaráðs. Heimsóknir hópsins voru mjög fjölbreyttar en í grunnin eru Norðmenn að kljást við mikið af sömu áskorunum og Ísland. Nordic innovation var heimsótt í Osó en svo var haldið til Þrándheims þar sem ráðstefna var haldin með fylkinu og NTNU háskólinn var heimsóttur.

Svæðisáætlun um meðhöndlun úrgangs á Norðurlandi 2023-2036 hefur verið send á sveitarfélög á starfssvæðum SSNV og SSNE til samþykkis. Sveitarfélögin á starfssvæðum SSNV og SSNE hafa unnið sameiginlega að svæðisáætlun um meðhöndlun úrgangs.

Þessa dagana er verið að úthluta úr ýmsum sjóðum á landsvísu, en eitt af því sem SSNE gerir er að rýna úthlutanir til þess að skoða hlutfall þess sem er að koma inn á Norðurland eystra. Á rúmlega viku hefur verið úthlutað úr fjórum sjóðum.

Þann 16. maí síðastliðinn opnaði Kistan, atvinnu- og nýsköpunarsetur á Þórshöfn, en Kistan er í eigu Langanesbyggðar og hefur það markmið að mynda á Þórshöfn metnaðarfullt samfélag stofnana, fyrirtækja og frumkvöðla undir einu þaki. Kistan er staðsett í Kistufelli sem eitt sinn hýsti Sparisjóð Þórshafnar og nágrennis.

Skrifstofa SSNE í Hafnarstræti 91 á Akureyri er lokuð í dag og á morgun, en búast má við nánari upplýsingum síðar í vikunni. Starfsfólk er í fjarvinnu og hægt að nálgast það í síma og tölvupósti.

Sveitarstjórn Runavíkur í Færeyjum er í heimsókn á Norðurlandi eystra þessa dagana ásamt Höllu Nolsøe Poulsen sendikvinnu Færeyja á Íslandi.

Menningarstarf í Alþýðuhúsinu á Siglufirði er framúrskarandi á landsvísu, enda valið sem handhafi Eyrarrósarinnar árið 2023. Við óskum listakonunni Aðalheiði Eysteinsdóttur og hennar fólki, innilega til hamingju með þessa viðurkenningu á hennar mikilvæga starfi og framlagi til listarinnar og samfélagsins.