Fara í efni

Raufarhöfn og framtíðin

Opið er fyrir umsóknir í frumkvæðissjóð Raufarhafnar og framtíðarinnar til kl. 13:00 mánudaginn 16. febrúar 2026

Árið 2025 valdi Byggðastofnun verkefnin „Raufarhöfn og framtíðin" og „Öxarfjörður í sókn" til að taka þátt í nýju tilraunaverkefni til þriggja ára sem má líta á sem nokkurskonar framhald af verkefninu Brothættar byggðir sem byggðalögin tóku bæði þátt í fyrir nokkrum árum. Áhugasömum aðilum er bent á Facbook síðu verkefnisins, þar má jafnan fylgjast með því sem er að gerast í samfélögunum.
Á vef Byggðastofnunar má sjá allar frekari upplýsingar.

Meginmarkmið verkefnisins sem unnið er eftir:

  • Sérstæður áfangastaður
  • Traustir grunnatvinnuvegir
  • Blómstrandi menntun
  • Öflugir innviðir

Hvað er frumkvæðissjóður?

Veittir eru verkefnastyrkir og stuðningur á vegum Brothættra byggða til þróunarverkefna og annarra samfélagseflandi verkefna.
Verkefni þurfa að styðja við markmið og framtíðarsýn í verkefninu Brothættar byggðir í viðkomandi byggðarlagi.
Styrkhæf verkefni eru rannsóknar-, þróunar- og nýsköpunarverkefni þar sem markvisst er stefnt að markaðssetningu nýrrar eða endurbættrar vöru eða þjónustu. Einnig er heimilt að styrkja stofnfjárfestingu í hvers konar verkefnum að því gefnu að þau raski ekki samkeppni á viðkomandi þjónustusóknarsvæði. Enn fremur samfélagseflandi verkefni önnur en þau sem teljast til lögbundinna og/eða hefðbundinna verkefna ríkis eða sveitarfélaga.

Ekki er krafist mótframlags frá umsækjanda en það styrkir umsókn ef verkefnið laðar fram fjármuni og krafta aðstandenda verkefnisins og annarra samstarfsaðila og/eða leiðir til samstarfs aðila sem að jafnaði starfa ekki saman

Auglýst var eftir styrkumsóknum í tilraunabyggðaþróunarverkefnið í apríl 2025 Nánar um úthlutun hér:

Hvaða verkefni eru styrkhæf?

Styrkir eru veittir í eftirfarandi flokkum:

  • Verkefna- og stofnstyrkir á sviði atvinnu- og nýsköpunar.
  • Verkefnastyrkir á sviði samfélagseflingar.

Umsækjendum er bent á að kynna sér vel eftirfarandi og styrkja þannig umsóknir sínar:

Hvernig er umsóknarferlið?

Nanna Steina Höskuldsdóttir nanna@ssne.is og Einar Ingi Einarsson einar@nordurthing.is starfa sem verkefnisstjórar á svæðinu í heild, bjóða þau upp á viðtalstíma og ráðgjöf varðandi umsóknarskrif eða hugmyndavinnu.

Verkefnisstjóri

Nanna Steina Höskuldsdóttir er verkefnisstjóri starfandi á Raufarhöfn.
Tengiliðaupplýsingar eru eftirfarandi: nanna@ssne.is sími 464-9882 

Verkefnisstjórn 2025-2027

Guðmundur Baldvin Guðmundsson, fulltrúi Norðurþings og formaður verkefnisstjórnar
Olga Friðriksdóttir, fulltrúi íbúa Raufarhafnar
Ólafur Gísli Agnarsson, fulltrúi íbúa Raufarhafnar
Charlotta V. Englund, fulltrúi íbúa Öxarfjarðarhéraðs
Thomas Helmig, fulltrúi íbúa Öxarfjarðarhéraðs
Hildur Halldórsdóttir, fulltrúi SSNE
Helga Harðardóttir, fulltrúi Byggðastofnunar
Kristján Þ. Halldórsson, fulltrúi Byggðastofnunar

Skilaboð íbúaþings

Skilaboð íbúaþings 2014