Fréttasafn

Á dögunum var haldin glæsileg fjárfestahátíð á Siglufirði. Nýsköpunarhreyfingin Norðanátt stóð fyrir hátíðinni og var hún lokaskref í nýsköpunarhringrás sem hófst á hraðli, að honum loknum tók við vaxtarrými – 8 vikna þjálfunarbúðir þar sem átta fyrirtæki fengu stuðning við að þróa sínar hugmyndir og móta enn frekar. Lokaskrefið var svo fjárfestahátíðin. Norðanátt var styrkt af Lóu, nýsköpunarsjóði fyrir landsbyggðina.

Gjörningalistakonan, dansarinn og kvikmyndagerðakonan Anna Richardsdóttir og Áki Sebastian Frostason hljóð- og myndlistamaður standa að myndinni. Einstakt fagfólk með samtvinnað lífs- og vinnusamband sem skilar sér í sterkum áhrifum myndarinnar á áhorfendur og -heyrendur. Þau eru mæðgin. Stuttmyndin VAR er ein af þeim einungis 20 myndum sem valdar voru sem verk til að keppa í Sprettfisk á Stockfish film festival! ,,The short film VAR is showing a woman who longs to get away from her destiny, her lifelong isolation on the most beautiful spot on earth: her farm, her rubarb garden.” Sýningar fara fram 27. mars kl. 19:00, 31. mars kl. 17:00 og 3. apríl kl. 21:00 í bíó Paradís. Gerð myndarinnar hlaut styrk úr Uppbyggingarsjóði Norðurlands eystra.

Vegagerðin stendur fyrir morgunverðarfundi um almenningssamgöngur á landsbyggðinni fimmtudaginn 31. mars kl. 9:00. Gestir geta mætt á fundinn í húsnæði Vegagerðarinnar í Suðurhrauni 3 í Garðabæ eða fylgst með í beinu streymi.

Tíu verk, eftir 12 ung og upprennandi tónskáld, hafa verið valin til þátttöku í Upptaktinum á Akureyri. Höfundarnir munu vinna áfram að útsetningu sinna verka í vinnusmiðjum undir leiðsögn reyndra tónlistarmanna, þeim Gretu Salóme og Kristjáni Edelstein.

Umhverfis-, orku-, og auðlindaráðuneytið auglýsir eftir umsóknum lögaðila, þ.m.t. sveitarfélaga, um styrki til verkefna sem stuðla að eflingu hringrásarhagkerfis á Íslandi.

Kvenfélagið Baugur í Grímsey var meðal umsækjenda sem hlaut nýverið stuðning úr Frumkvæðissjóði Brothættra byggða til verkefnisins starfs- og vinnuaðstaða við Heimskautsbaug.

Matvælasjóður auglýsir eftir umsóknum. Þetta er í þriðja sinn sem sjóðurinn auglýsir úthlutun og er heildarúthlutunarfé sjóðsins 593 milljónir króna. Umsóknarfrestur er til og með 19. apríl.

Tíu sprotafyrirtæki kynna sig fyrir fjárfestum á fjárfestahátíð Norðanáttar sem fer fram á fimmtudaginn á Siglufirði. Auk fjölda fagfjárfesta og fjárfestingasjóða hafa ráðherrarnir Katrín Jakobsdóttir, Guðlaugur Þór Þórðarson og Áslaug Arna Sigurbjörnsdóttir boðað komu sína.

Það er komið að uppskeruhátíð Matsjárinnar en þar hafa matarfrumkvöðlar unnið að hugmynd sinni með ráðgjöf og stuðningi frá atvinnuþróunarfélögum í umsjón Rata. Við hvetjum ykkur til þess að kynna ykkur fjölbreytta nýsköpun í matvælaframleiðslu á Íslandi.

Tillaga að sameiningu Langanesbyggðar og Svalbarðshrepps var samþykkt í kosningum um helgina.