Fréttasafn

Í nokkurn tíma hefur verið unnið með markvissum hætti að þróun og eflingu þekkingarsamfélagsins á Húsavík. Meginverkefnin hafa verið af tvennum toga. Annars vegar hefur farið fram undirbúningur flutnings starfseminnar í rýmra húsnæði og aðstöðu sem sérsniðin er að starfseminni til frambúðar. Hins vegar hefur verið unnið að þróun starfseminnar í átt að auknum tengslum við atvinnulífið með stuðningi við nýsköpun og frumkvöðlastarf. Þróunarverkefnið var áhersluverkefni SSNE árið 2020 og byggir m.a. á greiningu á þekkingarstarfsemi og nýsköpunarstarfi í nágrannalöndum okkar og samanburði við stöðuna hérlendis.

Úthlutunarhátíð Uppbyggingarsjóðs Norðurlands eystra fór fram í gær og hér er hægt að finna lista yfir öll þau frábæru verkefni sem hlutu styrk þetta árið.

Akureyrarstofa og SSNE héldu vel heppnað málþing á netinu um störf óháð staðsetningu sem bar heitið Fólk færir störf. Hægt er að horfa á upptöku af þinginu og lesa úrdrátt úr helstu dagskrárliðum hér.

Persónuvernd auglýsir tvö störf á Húsavík. Í Byggðaáætlun er aðgerð sem lýtur að því að 10% starfa stofnanna á vegum ríkisins verði auglýst án staðsetningar. Persónuvernd er að taka eitt skref í átt að því með því að auglýsa störf utan höfuðborgarsvæðisins.

Nýtum auðlindir norðursins til að skapa sjálfbærar framtíðarlausnir Hacking Norðurland er lausnamót sem fer fram dagana 15.-18. apríl 2021 á Norðurlandi. Unnið verður með sjálfbæra nýtingu auðlinda svæðisins með tilliti til matar, vatns og orku. Markmið lausnamótsins er að efla frumkvöðlastarf og sköpunarkraft á svæðinu og þannig stuðla að nýjum verkefnum og viðskiptatækifærum. Lausnamótinu er ekki síður ætlað að vekja athygli á því öfluga frumkvöðlasamfélagi sem er á Norðurlandi. Hacking Norðurland er samstarfsverkefni Hacking Hekla, Eims, Nordic Food in Tourism, SSNE, SSNV og Nýsköpun í norðri. Íslandsbanki styrkir verkefnið.