SSNE.is

Atvinnuvegaráðuneytið hefur opnað fyrir umsóknir um nýliðunarstuðning í landbúnaði 2025, hægt er að sækja um þar til 1. september. Markmið stuðningsins er að aðstoða nýliða við að hefja búskap og auðvelda ættliðaskipti í landbúnaði.

Eyjólfur Ármannsson innviðaráðherra boðar til íbúafunda í ágúst í öllum landshlutum til að eiga samráð um málaflokka ráðuneytisins. Tilgangur fundanna er að kalla eftir sjónarmiðum íbúa og sveitarstjórnarfólks um málaflokka ráðuneytisins – samgöngur, sveitarstjórnar- og byggðamál og fjarskipti og stafræna innviði.

Þann 30. október n.k. mun standa yfir Norðanstomur á Akureyri, en Norðanstormur er viðburður á vegum SSNE og SSNV í samstarfi við stoðkerfi nýsköpunar á Norðurlandi. Norðanstormur mun tengja saman fjárfesta, fyrirtæki og frumkvöðla af Norðurlandinu.

Síðasti hádegisfyrirlestur Forvitna frumkvöðla var þann 3. júní sl. þar sem Páll Baldursson verkefnastjóri hjá Austurbrú fór yfir stofnun og rekstur fyrirtækja.

Í vetur voru haldnir reglulegir föstudagsfundir hjá SSNE þar sem fjallað var um ólíka þætti ólíkra atvinnugreina innan landshlutans og stöðu þeirra. Meðal annars var fjallað um gervigreind í landbúnaði og fjárfestingar í ferðaþjónustu en hvoru tveggja voru mjög áhugaverð umfjöllunarefni.

Skörun menningar, sköpunarkrafts og frumkvöðlastarfs.

Umsóknarfrestur fyrir Uppbyggingarsjóð Norðurlands eystra hefur verið ákveðinn og mun opna fyrir umsóknir 17. september og er umsóknarfrestur til 22. október kl. 12:00.

SSNE hefur nú tekið saman minnisblað um öll þau helstu verkefni sem sveitarfélög geta unnið til að efla líffræðilegan fjölbreytileika í starfi. Hvort sem það tengist viðhaldi grænna svæða, formlegri skipulagsvinnu eða fjárfestingum.

Júnímánuður hófst með krafti hjá SSNE en í byrjun mánaðarins hélt stjórn SSNE 74. fund sinn í Eyjafjarðarsveit. Stjórn SSNE hittist alla jafna á fjarfundi en tvisvar á ári eru haldnir staðfundir er þá tækifærið nýtt og ólík sveitarfélög heimsótt.

Í maílok fór fram morgunfundur Grænna skrefa á Norðurlandi á Múlabergi á Hótel KEA, þar sem starfsfólki sveitarfélaga á sviði umhverfismála og kjörnum fulltrúum var sérstaklega boðið að taka þátt. Mætingin á fundinn fór fram úr vonum, flest mættu á staðinn en einnig var hægt að taka þátt í gegnum Teams. Morgunfundurinn var haldinn af SSNE, SSNV og Svaninum, með aðkomu Sambands íslenskra sveitarfélaga og LOFTUM. Umhverfis- orku og loftslagsráðherra, Jóhann Páll Jóhannsson ávarpaði fundinn þar sem hann lagði áherslu á þátt sveitarfélaga í að ná markmiðum Íslands í loftslagsmálum og reifaði áherslur ríkisstjórnarinnar í umhverfis- og loftslagsmálum.

Nú er opið fyrir umsóknir í Startup Landið, sjö vikna viðskiptahraðal sem ætlaður er frumkvöðlum og nýsköpunarverkefnum á landsbyggðunum. Hraðallinn hefst 18. september og lýkur með lokaviðburði 30. október þar sem þátttakendur kynna verkefni sín.

Stjórn SSNE hefur valið nýsköpunarverkefnið Kveikjuna sem eitt af áhersluverkefnum SSNE, Kveikjan hefur það að markmiði að efla nýsköpun og þróun á Norðurlandi eystra innan starfandi fyrirtækja.