Fréttir

Matís, Háskóli Íslands og Institute of animal reproduction and food research Polish academy of sciences in Olsztyn eru nú í óðaönn að skipuleggja námskeiðið School on adding value to food side streams 2021 sem mun fara fram á Íslandi 7.-17. október næstkomandi.

Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Umsóknarfrestur er frá 27. september til kl. 13 þriðjudaginn 26. október 2021.

Umsóknarfrestur í Svanna-lánatryggingasjóð kvenna hefur verið framlengdur til 15. október nk. Svanni veitir lán til fyrirtækja í eigu konu/kvenna

Fjölmargar umsóknir bárust í viðskiptahraðalinn Vaxtarrými en umsóknarfresti lauk á miðnætti, mánudaginn 20. september. Um er að ræða átta vikna viðskiptahraðall fyrir frumkvöðla, ný fyrirtæki og nýsköpunarverkefna innan starfandi fyrirtækja á Norðurlandi. Áhersla hraðalsins er sjálfbærni, matur, vatn og orka.

Heildarfjármunir til sóknaráætlana árið 2020 voru tæpir 1,6 milljarðar króna og stærstur hluti þeirra fjármuna komu frá ríkinu. Á árinu 2020 var unnið að samtals 60 áhersluverkefnum og nam framlag til þeirra tæpum 564,4 milljónum króna. Alls hlutu 614 verkefni styrki úr uppbyggingarsjóðunum, samtals að fjárhæð rúmum 444 milljónum króna.

Í byrjun árs auglýsti Persónuvernd lausar til umsóknar tvær stöður hjá stofnuninni á nýrri starfsstöð hennar á Húsavík. Í Byggðaáætlun er aðgerð sem lýtur að því að 10% starfa stofnanna á vegum ríkisins verði auglýst án staðsetningar. Persónuvernd var því að taka eitt skref í átt að því með því að auglýsa störf utan höfuðborgarsvæðisins. Formleg opnun starfsstöð Persónuverndar á Húsavík fór fram þann 9. september sl., þar sem Áslaug Arna Sigurbjörnsdóttir, dómsmálaráðherra og Helga Þórisdóttir, forstjóri Persónuverndar, opnuðu starfsstöðina formlega og fluttu ávörp ásamt Svavar Pálssyni, sýslumanni á Norðurlandi eystra.

Á undanförnum áratugum hefur Menningarsjóður KEA, nú Menningar- og viðurkenningarsjóður KEA, veitt hverskonar menningarstarfsemi á félagssvæðinu öflugan fjárhagslegan stuðning. Opið er fyrir umsóknir en umsóknarfrestur rennur út 21. október.

Landshlutasamtökin á landinu öllu ásamt Samtökum smáframleiðenda matvæla fengu nýverið styrk úr Matvælasjóði fyrir stuðningsverkefni sem hlotið hefur nafnið Matsjáin. Hún byggir á svipaðri hugmyndafræði og Ratsjáin sem er lausn sem sniðin er að þörfum aðila í ferðaþjónustu og hefur gefið afar góða raun. Við hvetjum alla matarfrumkvöðla til að kynna sér málið betur.

Íslandsstofa, Atvinnuvega- og nýsköpunarráðuneytið, Landsvirkjun og Norðurþing hafa undanfarna mánuði unnið að samantekt og greiningu á tækifærum sem geta falist í þróun grænna iðngarða á Íslandi. 

Drift mun í upphafi sinna rekstri og umsýslu stærstu sjóða ráðuneytisins og hafa umsjón með tilteknum nýsköpunarverkefnum.