Fréttir

Atvinnuvega- og nýsköpunarráðuneytið auglýsir eftir umsóknum um styrki til þróunarverkefna í nautgriparækt, samkvæmt VIII. kafla reglugerðar nr. 430/2021 um almennan stuðning í landbúnaði.

Verkefnisstjórar Brothættra byggða og sambærilegra byggðaþróunarverkefna komu saman til fundar í húsakynnum Byggðastofnunar dagana 12. og 13. okt. sl. Ánægjulegt var að hópurinn gat loksins hist á staðfundi eftir langan tíma eftir takmarkanir vegna COVID-19. Dagskráin var þéttskipuð. Farið var yfir verkefnislýsingu Brothættra byggða og ýmis praktísk málefni tengd framkvæmd og umsýslu verkefna í þátttökubyggðarlögunum. Aðalsteinn Þorsteinsson forstjóri Byggðastofnunar kynnti hlutverk og starfsemi Byggðastofnunar. Fundargestum gafst færi á að kynnast nánar lánamöguleikum Byggðastofnunar, ýmissi þróunarvinnu á sviði byggðamála s.s. þróun mælaborða um byggðatengd málefni og aðgerðaáætlun byggðaáætlunar stjórnvalda.

Opið er fyrir umsóknir í lýðheilsusjóð.Lýðheilsusjóður starfar samkvæmt lögum um landslækni og lýðheilsu (41/2007) og reglugerð um lýðheilsusjóð (1260/2011). Hlutverk sjóðsins er að styrkja lýðheilsustarf sem samræmist markmiðum laga um landlækni og lýðheilsu, bæði innan og utan embættisins, í þeim tilgangi að stuðla að heilsueflingu og forvörnum. Styrkir eru veittir til verkefna og afmarkaðra hagnýtra rannsókna.

Til­nefn­ing­ar óskast til lofts­lags­við­ur­kenn­ing­ar fyr­ir ár­ið 2021. Hægt er að til­nefna fyr­ir­tæki, fé­laga­sam­tök, stofn­an­ir eða ein­stak­linga. Til­nefn­ing­ar þurfa að ber­ast fyr­ir 27. októ­ber en við­ur­kenn­ing­in verð­ur veitt á Lofts­lags­fund­in­um þann 19. nóv­em­ber næst­kom­andi í Hörpu ( nán­ari upp­lýs­ing­ar um fund­inn).

Emblu-matarverðlaunin voru sett á stofn af sex norrænum landbúnaðarstofnunum árið 2017 og eru veitt annað hvert ár. Hlutverk þeirra að breiða út þekkingu á norrænum matvælum.

Bryndís Gunnlaugsdóttir lögfræðingur og Eygerður Margrétardóttir sérfræðingur hjá Sambandi íslenskra sveitarfélaga skrifa.

Í síðustu viku bauðst bæði nemendum í Heimskautarétti við Háskólann á Akureyri og skiptinemum í hagfræðilegri þróun, sama skóla, að heimsækja norðausturhornið með skipulagðri vettvangsverð. Nemendur heimsóttu m.a. Bakkafjörð, Raufarhöfn og Húsavík og fræddust um vísindasamstarf og náttúrurannsóknir, uppbyggingu ferðaþjónustu á jaðarsvæðum, verkefni tengd brothættum byggðum, og ýmis tækifæri á sviði nýsköpunar, orku, sjálfbærni og loftslagsmála.

Fulltrúar Háskóla Íslands, Svartárkots menningar — náttúru, Skútustaðahrepps og Þingeyjarsveitar undirrituðu í gær, 12. október viljayfirlýsingu um að vinna í sameiningu að stofnun rannsóknaseturs á sviði umhverfishugvísinda í sameinuðu sveitarfélagi í Suður-Þingeyjarsýslu en sókn í mennta- og skólamálum er ein af höfuð áherslum í sameiningu Skútustaðahrepps og Þingeyjarsveitar.

Frumkvæðissjóður Brothættra byggða í byggðaþróunarverkefninu Glæðum Grímsey auglýsir eftir umsóknum. Styrkir eru veittir í eftirfarandi flokkum: Verkefna- og stofnstyrkir á sviði atvinnu- og nýsköpunar. Verkefnastyrkir á sviði samfélagseflingar

Starfsemi SSNE var svo viðamikil að það tók okkur nokkra aukadaga að taka þetta allt saman í nýjasta fréttabréfið okkar sem hér er aðgengilegt, stútfullt að venju.