Fréttir

Drög að tillögu til þingsályktunar um ferðamálastefnu og aðgerðaáætlun til 2030 komin í samráðsgátt, en áætlunin inniheldur ferðamálastefnu og 42 skilgreindar aðgerðir til að fylgja eftir áherslum í ferðamálastefnu.

Norræna ráðherranefndin auglýsir til umsóknar styrkveitingar um náttúrutengdar lausnir í norrænum borgum og þéttbýli. Styrktarpotturinn er 2.000.000 DKK eða um 40.000.000 ISL og umsóknarfrestur er miðvikudagurinn 13. mars 2024.

Febrúarmánuður var sannarlega fjölbreyttur mánuður í starfsemi SSNE og fjölmargir áhugaverðir viðburðir sem einkenndu mánuðinn.

SSNE vinnur nú að því að homa á fót samráðsvettvangi atvinnulífs á Norðurlandi eystra. Tilgangur vettvangsins er að koma á virku samtali milli atvinnulífs á svæðinu og SSNE, jafnframt verður vettvangurinn nýttur til að miðla upplýsingum og tækifærum sem snúa að svæðinu.

Tilgangur Starfamessu er að búa til vettvang fyrir ungmenni að kynnast fjölbreyttum starfsstéttum og möguleikum í atvinnuvali. Þessi vettvangur er mikilvægur til að jafna aðgengi ungmenna að slíkum upplýsingum.

Rannsóknasetur skapandi greina býður til málþings um rannsóknir á atvinnulífi menningar og skapandi greina.

Þann 21. febrúar héldu Eimur, SSNE og Íslensk Nýorka málstofu í Hofi og í streymi. Efni málþingsins var staða mála í orkuskiptum á Norðurlandi, olíunotkun svæðisins ásamt sérstakri umfjöllun um orkuskipti í þungaflutningum og við hafnir. Málstofan var afar vel sótt af yfir 160 góðum gestum og erindin gott upphaf að þeirri vinnu sem er nú hafin með RECET á Norðurlandi eystra.

Nýsköpun - hugmyndahraðhlaup - raunverulegar áskoranir - verðlaun

28. febrúar næstkomandi verður starfsfólki sveitarfélaga boðið upp á námskið um gerð losunarbókhalds en losunarbókhald gefur sveitarfélögum yfirsýn yfir losun gróðurhúsalofttegunda frá starfsemi sinni og er gagnlegt tól til að leggja mat á kolefnisspor til að hægt sé að draga úr því á markvissan og hagkvæman hátt.

Samtök sveitarfélaga og atvinnuþróunar á Norðurlandi eystra (SSNE) leita eftir 150-300 fm2 skrifstofuhúsnæði til leigu á Akureyri.