Fréttasafn

Vikuna 16. - 20. október var farin kynnisferð til Finnlands og Noregs þar sem hag- og fagaðilum var boðið að kynna sér starfsemi líforkuvera í báðum löndum. Ferðin var skipulögð af verkefnastjóra SSNE, Kristínu Helgu Schiöth, og ráðgjafanum Karli Karlssyni sem hefur verið SSNE innan handar í undirbúningi líforkuvers á Dysnesi.

Á síðasta ári unnu Þekkingarnet Þingeyinga og SÍMEY – Símenntunarmiðstöð Eyjafjarðar fræðslugreiningu þar sem starfsfólk og kjörnir fulltrúar sveitarfélaga á Norðurlandi eystra voru beðin um að leggja mat á eigin fræðsluþörf í málefnum sem tengjast loftslags- og umhverfismálum í sambandi við sín störf. Að því loknu var farið í að vinna fræðsluáætlun í samræmi við niðurstöður.

Þann 5. október síðastliðinn var haldið velheppnað málþing um byggðaþróunarverkefnið Brothættar byggðir. Á málþinginu var farið yfir það sem hefur heppnast vel og það sem hefur lærst á þessum rúma áratug sem verkefnið hefur verið í gangi. Að auki voru kynntar niðurstöður áhrifamats á verkefninu sem unnið var af KPMG. Nanna Steina Höskuldsdóttir verkefnastjóri SSNE og Norðurþings á Raufarhöfn stýrði dagskránni en hún var áður verkefnastjóri brothættra byggða verkefnisins Raufarhöfn og framtíðin.

Umsóknarfrestur fyrir Uppbyggingarsjóð Norðurlands eystra rann út 18. október, en alls bárust 123 umsóknir, þar af voru 70 menningarverkefni, 43 atvinnu- og nýsköpunarverkefni og 10 stofn og rekstrarstyrkir menningarstofnana.

Ottó hefur störf sem framkvæmdastjóri þann 15. október næstkomandi.

Góð mæting var á kynningarfund um Straumhvörf sem haldinn var í dag.

Í dag var haldið haustþing Samtaka sveitarfélaga og atvinnuþróunar á Norðurlandi eystra, en þingið var rafrænt. Ásamt hefðbundnum þingstörfum var kynnt tillaga að Samgönguáætlun Norðurlands eystra 2023-2033.

Stjórnsýsluhús Norðurþings á Húsavík hlaut viðurkenningu fyrir innleiðingu fyrsta Græna skrefs SSNE miðvikudaginn 27. september. Við tilefnið héldu verkefnastjórarnir Smári Jónas og Kristín Helga fræðslu fyrir starfsfólk um verkefnið og Grænu skrefin, auk þess sem öllu starfsfólki var boðið upp á tertu í tilefni árangursins. 

Leikhópurinn Umskiptingar frumsýndu sýningu sína Töfrabækurnar - Sagan af Gýpu, sl. sunnudag. Sagan af Gýpu er bæði skrýtin og skemmtileg þjóðsaga sem er túlkuð á líflegan hátt af leikurum með húmor og söng. Uppsetningin hlaut styrk úr Sóknaráætlun Norðurlands eystra, leikarar eru Margrét Sverrisdóttir og Jónína Björt Gunnarsdóttir. Leikstjórn er í höndum Jennýjar Láru Arnórsdóttur og frumsamin tónlist var unnin af Vandræðaskáldunum Sesselíu Ólafsdóttur og Vilhjálmi Bergmanni Bragasyni.

Það er góður gangur í innleiðingu Grænna skrefa SSNE þessi misserin, en Ráðhúsið á Akureyri tók við viðurkenningu fyrir að hafa stigið fyrsta græna skrefið af fimm í síðustu viku. Meðal þess sem starfsfólk Ráðhússins hefur innleitt í sína starfsemi er að fasa út þær hreinlætis- og ræstivörur sem ekki eru umhverfisvottaðar, ákveðið verklag til að draga úr orkunotkun innan vinnustaðarins, komið upp áminningarlímmiðum um orkusparnað og tryggja að skýrt sé hvernig flokkun úrgangs skal háttað á vinnustaðnum.