Fyrir hverja?
Samstarf innan íslensks vísinda- og nýsköpunarsamfélags, þar sem háskólar, fyrirtæki og rannsóknastofnanir vinna saman á ákveðnu fræðasviði.
Til hvers?
Til að efla rannsóknir og nýsköpun og hvetja til samvinnu ólíkra aðila innanlands og í alþjóðlegu samhengi, til að ýta undir verðmætasköpun og fjárfestingu í rannsóknum í atvinnulífinu.
Umsóknarfrestur
Stefnt er á að næsti umsóknarfrestur verði 15. október 2020.
Hvert er markmiðið?
Markáætlun í tungu og tækni er opinn samkeppnissjóður sem starfar samkvæmt lögum um opinberan stuðning við vísindarannsóknir (
).
Hlutverk Markáætlunar í tungu og tækni er annars vegar að vernda og efla íslenska tungu, og hins vegar að auðvelda nýtingu nýrrar samskiptatækni í íslensku samfélagi, til hagsbótar almenningi, stofnunum og fyrirtækjum.
Hverjir geta sótt um?
Háskólar, stofnanir og fyrirtæki geta sótt um styrki úr Markáætlun í tungu og tækni.
Hvernig er sótt um?
Umsóknum í sjóðinn er skilað inn í gegnum rafrænt umsóknarkerfi Rannís.
Skilyrði úthlutunar
Markáætlun veitir styrki samkvæmt þeim áherslum sem eru skilgreindar fyrir sjóðinn, og á grundvelli faglegs mats á gæðum verkefna, hversu víðtækt verkefnið er, þörf á afurðum verkefnisins, færni þeirra einstaklinga sem stunda rannsóknirnar og aðstöðu þeirra til að sinna verkefninu.
Hlutverk Rannís
Rannsóknamiðstöð Íslands er umsýsluaðili sjóðsins.