Fara í efni

Betri Bakkafjörður

Betri Bakkafjörður er eitt af verkefnum sem heyra undir Byggðastofnun með vinnuheitinu Brothættar byggðir. Verkefnisstjóri, Ólafur Áki Ragnarsson, kom til starfa þann 1. júní 2019. Verkefnisstjóri gegnir hlutverki leiðtoga í verkefninu Betri Bakkafjörður ásamt verkefnisstjórn og starfar í umboði hennar. Hann fylgir eftir stefnu og markmiðum verkefnisins, eins og þau eru skilgreind á hverjum tíma og vinnur að valdeflingu samfélagsins. Verkefnisstjóri er tengiliður milli verkefnisstjórnar og íbúa, fyrirtækja og annarra hagsmunaaðila, sem og tengiliður við Byggðastofnun og aðra þátttakendur í verkefninu.

Í nóvember 2019 var samþykkt verkefnisáætlun sem verkefnisstjórn og verkefnisstjóri höfðu unnið upp úr umræðum og áherslumálum frá íbúaþingi sl. vor og tillögum ráðherraskipaðrar nefndar um málefni Bakkafjarðar sem samþykktar voru á fundi ríkisstjórnar 23. nóvember 2018.

Meginmarkmið verkefnisins eru fjögur:

  • Sterkir samfélagsinnviðir
  • Öflugt atvinnulíf
  • Aðlaðandi ímynd Bakkafjarðar
  • Skapandi mannlíf.

Verkefnastyrkir

Veittir eru verkefnastyrkir og stuðningur á vegum Brothættra byggða til þróunarverkefna og annarra samfélagseflandi verkefna á þeim svæðum sem taka þátt. Hér á síðunni má finna tengla á umsóknargögn og ítarupplýsingar um verkefnið.

 

Opið fyrir styrkumsóknir  

Opnað hefur verið fyrir umsóknir um styrki úr sjóði verkefnisins Betri Bakkafjörður fyrir árið 2021.  Frestur til að sækja um styrki er til kl. 12:00 á hádegi föstudaginn 19. mars 2021.
Sjá nánar í auglýsingu

Umsóknareyðublað mars 2021

Úthlutunarreglur

Kostnaðargreining

Framtíðarsýn og markmið

Ársskýrsla 2020

Lokaskýrsla 2019

Ársskýrsla 2019