Fréttir

Í byrjun mánaðarins hittust þátttakendur, ráðgjafar og samstarfsaðilar Startup Landsins í Borgarnesi á tveggja daga vinnustofu þar sem lögð var áhersla á tengslamyndun, skapandi hugsun og áframhaldandi þróun verkefna þátttakenda.

Frumkvöðlastarf, metnaðarfull uppbygging og tækifæri til framtíðar voru í brennidepli þegar Markaðsstofa Norðurlands hélt árlega uppskeruhátíð ferðaþjónustunnar fimmtudaginn 15. október. Að þessu sinni fór hátíðin fram í Norðurþingi þar sem ferðaþjónustufólk víðs vegar að af Norðurlandi kynntist fjölbreyttri starfsemi og uppbyggingu í Kelduhverfi, á Kópaskeri og Raufarhöfn.

Ari Páll Pálsson hefur aðstoðað umsækjendur í Uppbyggingarsjóð Norðurlands eystra frá því sjóðurinn hóf göngu sína árið 2015. Eitt þeirra verkefna sem hann hefur fylgt frá hugmynd að veruleika er heimildarmyndin Eyríki, sem nýverið var frumsýnd og hefur vakið umræðu um samfélagið í Grímsey og framtíð eyjarinnar.

Fjórtán fjölbreytt nýsköpunarverkefni af öllu landinu hafa verið valin til þátttöku í viðskiptahraðlinum Startup Landið. Hraðallinn er sérstaklega hannaður til að efla atvinnulíf, verðmætasköpun og nýsköpun á landsbyggðinni. Startup Landið veitir frumkvöðlum og smáfyrirtækjum utan höfuðborgarsvæðisins verkfæri, fræðslu og sérfræðiaðstoð til að þróa hugmyndir sínar áfram. Þátttakendur sækja vinnustofur, fá leiðsögn frá reynslumiklum mentorum og vinna að mótun viðskiptalíkana, fjármögnun og markaðssetningu. Hraðallinn stendur í sjö vikur og munu teymi kynna verkefni sín á lokaviðburði á Selfossi þann 6. nóvember.

Uppbyggingarsjóður Norðurlands eystra er opinn fyrir umsóknir og á næstu vikum verður starfsfólk SSNE með kynningar, viðveru og ráðgjöf á nokkrum stöðum á starfssvæðinu. Markmiðið er að auðvelda umsækjendum að leita upplýsinga og ráðgjafar við undirbúning umsókna.

Verkefnið Virkjum íbúana miðar að því að auka virkni, samveru og þátttöku íbúa á Norðurlandi eystra með því að efla samfélagshús og aðra staðbundna samkomustaði sem lifandi miðstöðvar í heimabyggð. Með verkefninu verður sveitarfélögum og stofnunum þeirra veittur stuðningur til að þróa fjölbreytt verkefni, viðburði og starfsemi sem byggja á þörfum hvers samfélags og hvetja ólíka hópa íbúa til þátttöku.

Uppbyggingarsjóður Norðurlands eystra er nú opinn fyrir umsóknir. Sjóðurinn styður fjölbreytt verkefni á sviði atvinnuþróunar, nýsköpunar, menningar og samfélagsþróunar á Norðurlandi eystra.

SSNE er í samstarfi við sveitarfélögin að halda tvo viðburði í september þar sem rætt verður um menningu.

Þann 1. september rennur út umsóknarfrestur í nýsköpunarhraðalinn Startup Landið, ef þú vilt vita meira kíktu þá á rafrænan kynningarfund sem verður haldinn 27. ágúst.

Markmiðið er að efla rannsóknir og þróunarstarf og bæta samkeppnisskilyrði nýsköpunarfyrirtækja með því að veita þeim rétt til skattfrádráttar vegna kostnaðar við nýsköpunarverkefni.