Höfundar frá Íslandi, erlend forlög og stjórnendur bókmennta- og menningarhátíða geta sótt um ferðastyrki í tengslum við útgáfu og kynningu á þýddum verkum eftir íslenska höfunda erlendis. Ferðastyrkurinn er veittur vegna flugs eða lestarferða á milli landa, ekki vegna gistingar eða annars dvalarkostnaðar.

Ferðastyrkir:

• Umsóknarfrestur er þrisvar á ári; 15. janúar, 15. maí og 15. september.
• Umsóknareyðublaðið er aðgengilegt hér á rafrænu formi fjórum vikum fyrir auglýstan umsóknarfrest.
• Hægt er að skoða fyrri úthlutanir hér.

Umsókn skulu fylgja eftirfarandi gögn:

• Kynning á höfundi og útgefnum verkum hans.
• Afrit af boðsbréfi eða samningi vegna fyrirhugaðrar ferðar.
• Heimilt er að sækja um styrk eftir að ferð hefur verið farin, þó eigi síðar en átta vikum eftir að ferð er lokið.
• Svör við umsóknum um ferðastyrki berast með tölvupósti 4 til 6 vikum eftir að umsóknarfrestur rennur út.

Nánari upplýsingar:

• Allt kynningarefni s.s. bæklingar, dagskrár, rafrænt efni o.s.frv. sem tengist viðburðinum skal merkt með merki Miðstöðvar íslenskra bókmennta.
• Sjá heimasíðu Miðstöðvar íslenskra bókmennta