Norðansprotinn er nýsköpunarkeppni þar sem leitað er að áhugaverðustu nýsköpunarhugmyndum Norðurlands. Keppnin fer fram dagana 19.-23. maí og lýkur með úrslitum sem haldin verða í Messanum hjá Drift EA.
Upphaf fjárfestingasjóður mun veita verðlaunafé upp á 1.000.000 kr.
Norðansprotinn er hluti af nýsköpunarferðalagi Norðurlands sem er ætlað að vera leiðarvísir frumkvöðla frá hugmyndarstigi að fjárfestingu.
Norðansprotinn er samstarfsverkefni SSNE, SSNV, Háskólans á Akureyri, Háskólans á Hólum, Drift EA og Hraðsins með veglegum stuðningi frá Upphaf fjárfestingasjóði.
Fyrirkomulag
- Skráningin er opin fyrir öll og það kostar ekkert að taka þátt, í boði er að senda inn tillögur til og með 18. maí.
- Umsækjendur geta verið einir eða teymi.
- Þú skráir þig til leiks með því að fylla út skráningarform hér.
- Í kjölfar skráningu færð þú tölvupóst með nánari upplýsingum m.a. um gerð og skil á einblöðungi sem lýsir hugmyndinni nánar.
- Í framhaldinu fá 5-8 umsækjendur tækifæri til að kynna hugmyndina sína fyrir dómnefnd og gestum á lokaviðburðinum á Messanum 23. maí n.k.
- Undirbúningur fer fram í gegnum netið 19.-22. maí en þeir umsækjendur sem fá að kynna sína hugmynd, þurfa að mæta á lokaviðburðinn 23. maí sem haldinn er á Akureyri.
Fjárfestingasjóðurinn Upphaf veitir verðlaunafé upp á 1.000.000 kr.