Styrkirnir eiga annars við ungt fólk sem vill gerast þátttakendur og hins vegar samtök, fyrirtæki eða stofnanir á Íslandi sem vilja taka á móti sjálfboðaliðum.
Umsóknarfrestir fyrir árið 2026 verður eins og hér segir:
- Sjálfboðaliðaverkefni: 18. febrúar 2026 kl. 11:00 (ATH! Aðeins einn umsóknarfrestur verður á árinu fyrir sjálfboðaliðaverkefni)
- Samfélagsverkefni: 18. febrúar, 7. maí og 1. október 2026
Framkvæmdastjórn Evrópusambandsins auglýsir umsóknarfresti fyrir árið 2026 í sjálfboðaliðaáætluninni European Solidarity Corps (ESC). ESC áætlunin styður ungt fólk sem vill fara erlendis í sjálfboðastarf eða framkvæma samfélagsverkefni í eigin nærumhverfi. Ungt fólk á aldrinum 18-30 ára sem er skráð í European Solidarity Corps Portal getur sótt um styrk.
ESC gerir samtökum, fyrirtækjum og stofnunum á Íslandi kleift að fá til sín sjálfboðaliða á aldrinum 18-30 ára í tvær vikur til 12 mánuði til að sinna verkefnum sem samræmast áherslum áætlunarinnar. Þannig gefst tækifæri til að fara í sjálfboðaliðastörf erlendis eða setja á fót samfélagsverkefni sem hafa jákvæð áhrif á eigið nærumhverfi. Sjálfboðaliða- og samfélagsverkefnin þurfa að byggja á einhverjum af megináherslum áætlunarinnar sem eru
- inngilding
- grænar lausnir
- stafræn þróun
- virk þátttaka
Árið 2026 nema styrkir í ESC áætluninni alls 137 milljónum evra. Á árinu verða rúmlega 963 þúsund evrur til úthlutunar fyrir verkefni sem fara fram á Íslandi, eða um 142 milljónir íslenskra króna.
Til þess að geta tekið á móti sjálfboðaliðum þurfa samtök og stofnanir að sækja um gæðavottun (e. Quality label), sem að staðfestir að umsækjandi hafi getu og burði til að framkvæma gæðaverkefni sem ríma við markmið og skilyrði áætlunarinnar.
Nánari upplýsingar:
- Starfsfólk Landskrifstofu Erasmus+ á Íslandi hvetur mögulega umsækjendur til að hringja eða skrifa tölvupóst til viðkomandi verkefnastjóra. Enn fremur eru umsækjendur hvattir til að taka þátt í hinum ýmsu kynningarviðburðum sem Landskrifstofan mun standa fyrir víða um land og á netinu á komandi vikum og mánuðum. Þeir verða nánar auglýstir hér og í fréttabréfi, sem áhugasamt fólk um Evrópusamstarf getur gerst áskrifendur að.
- Heimasíða
- Auglýsing um European Solidarity Corps umsóknir 2026
- Handbók European Solidarity Corps 2026
- Umsóknarsíða Erasmus+ og ESC
- Vinnuáætlun ESC 2026
- Fréttatilkynning framkvæmdastjórnar ESB
