Styrkirnir eru ætlaðir meistaranemum sem vinna lokaverkefni um atvinnulíf menningar og skapandi greina og þau fjölþættu og fjölbreyttu samfélags- og efnahagsáhrif sem þessi starfsemi leiðir af sér. Umsækjendur þurfa að stunda meistaranám við viðurkenndan háskóla, hvort sem er á Íslandi eða erlendis, og verkefnið þarf að fjalla um eða hafa tengingu við íslenskt samfélag.

Áætlað er að styðja 2-3 meistaraverkefni í hverri úthlutun. Miðað er við að fyrir 60 ECTS eininga verkefni sé styrkupphæð 800 þúsund krónur og 400 þúsund krónur fyrir 30 ECTS einingar. Fyrsta úthlutun fór fram í apríl 2024.

Umsóknir

Umsóknafrestur fyrir þriðju úthlutun er til 23. janúar næstkomandi. Umsóknum skal skilað til Rannsóknaseturs skapandi greina með tölvupóstsendingu á rssg@rssg.is. Í umsókn skal koma fram nafn umsækjenda, háskóli, námsleið, einingafjöldi meistaraverkefnis, vinnuheiti verkefnis, leiðbeinandi, rannsóknaáætlun og greinargóð lýsing á verkefninu, markmiðum þess og hvernig það tengist atvinnulífi menningar og skapandi greina. Þá skal gera grein fyrir hvernig umsækjandi hyggst ráðstafa styrknum, s.s. með fjárhagsáætlun. Með umsókninni skal fylgja ferilskrá, staðfesting á skólavist og yfirlit yfir námskeið og einkunnir umsækjanda. Umsóknum skal skila á íslensku eða ensku.

Rannsóknasetri skapandi greina er heimilt að kalla eftir nánari upplýsingum og gögnum frá umsækjendum eftir því sem þurfa þykir. Stjórn setursins er heimilt að hafna öllum umsóknum sem ekki tengjast atvinnulífi menningar og skapandi greina eða uppfylla að öðru leyti ekki þær kröfur sem gerðar eru til verkefna.

 Mat á umsóknum

Við mat á umsóknum er litið til eftirfarandi þátta:

• tengsl verkefnis við atvinnulíf menningar og skapandi greina
• tengsl verkefnis við rannsóknaráherslur RSG
• möguleikar á hagnýtingu
• nýnæmi verkefnis
• gæði umsóknar (skýr markmið, vönduð rannsóknaráætlun og hnitmiðaður texti).

Frekari upplýsingar

• Sjá hér: Meistaranemasjóður — Rannsóknarsetur skapandi greina
• Ráðgjöf veitir Steinunn Hauksdóttir, steinunn@rssg.is 
• Sjá fyrri verkefni sem hlotið af styrk:  Meistaranemasjóður — Rannsóknarsetur skapandi greina