Framkvæmdastjórn Evrópusambandsins hefur auglýst umsóknarfresti íþróttaverkefna í Erasmus+

12. febrúar kl. 11:00

Hvert er markmiðið?

Yfirmarkmið íþróttaáætlunar Erasmus+ er uppbygging grasrótaríþrótta með því að gefa starfsfólki og sjálfboðaliðum íþróttafélaga tækifæri til að auka hæfni sína og öðlast nýja færni með því að heimsækja önnur íþróttafélög í Evrópu. Þeirri færni og þekkingu er ætlað að nýtast beint í starfsemi íþróttafélaganna sem taka þátt í verkefnum af þessu tagi. Áherslan er á grasrótaríþróttir; það mikilvæga hlutverk sem íþróttir hafa í heilsueflingu og almennri lýðheilsu, þróa evrópskt samstarf innan félagsins og auka þekkingu starfsfólks og þjálfara.

Eftirfarandi útfærslur eru í boði:

• starfsspeglun og vettvangsheimsókn (2-14 dagar)
• þjálfun eða þjálfunarverkefni (15-60 dagar)

Hverjir geta sótt um?

Opinber eða einkarekin íþróttafélög í grasrótarstarfi sem eru virk í íþróttastarfi, hvetja til almennrar lýðheilsu og eru ekki rekin í hagnaðarskyni. Stærri íþróttafélög eða sambönd geta einnig sótt um ef þátttaka í verkefni skilar sér í grasrótarstarf félagsins. Einstaklingar geta ekki sótt um styrki úr íþróttahluta Erasmus+ áætlunarinnar.

Hvað er styrkt/styrkupphæðir

• Umsýslustyrkur: € 350 á þátttakanda
  • Kostnaður tengdur framkvæmd verkefnisins t.d. undirbúningur, stuðningur við þátttakendur, eftirfylgni og kynning á útkomu í verkefninu. Styrkurinn miðast við fjölda þátttakenda og tegund ferða.
• Ferðastyrkur
  • Stuðningur við ferðakostnað þátttakenda og aðstoðarfólks. Miðað er við ferðir báðar leiðir.Við ákvörðun fjarlægðar þarf að nota “distance band calculator” og miðað við beina línu frá upphafsstaði til áfangastaðar. Sjá nánar hér.
• Uppihaldsstyrkur
  • Stuðningur við uppihaldskostnað þátttakenda (og aðstoðarfólks þeirra, ef þarf) meðan á dvölinni stendur. Uppihaldsstyrkir eru miðaðir við að hámarki tvo ferðadaga fyrir þátttakendur og stuðningsaðila. Neðangreindar upphæðir miðast við einn dag og gilda fyrir fyrstu 14 dagana. Frá 15. degi og til loka dvalar er styrkupphæðin 70% þessara upphæða.
• Stuðningur vegna inngildingar (inclusion)
  
  • Hægt er að fá viðbótarstuðning fyrir einstaklinga með færri tækifæri sem þurfa á stuðningi að halda. Fylgdarmanneskjur geta verið með í hluta verkefnisins eða á meðan allri framkvæmd stendur. Ef þátttakandi í verkefninu þarf viðbótarstyrk til að geta tekið þátt til jafns við aðra þarf að gera grein fyrir því í umsókninni.
•  Undirbúningsheimsóknir

• Stuðningur vegna tungumálaundirbúnings

Hvernig er sótt um?

Nánari upplýsingar er að finna hér um hvernig sótt er um í Erasmus+ sem og ítarlegar leiðbeiningar um EU-login aðgang og OID númer.

Upplýsingar fyrir umsækjendur

• Nánari upplýsingar: Styrkir til íþróttaverkefna | Íþróttir | Erasmus+
• Velkomið að setja sig í samband við starfsfólk Landskrifstofunnar á Íslandi til að fá nánari upplýsingar um þau skilyrði sem umsækjendur þurfa að uppfylla til að geta sótt um styrki í Erasmus+
• Erasmus+ aðild snýr eingöngu að náms- og þjálfunarverkefnum og er leið til að einfalda umsýslu og alþjóðastarf þátttakenda.
• Þau sem hafa hugsað sér að sækja um eru hvött til að skoða heimasíðu Erasmus+ – en þar eru upplýsingar um skilyrði umsókna, hvernig umsókn er metin og upphæðir styrkja.
• Á heimasíðu framkvæmdastjórnar Evrópusambandsins má finna handbækur fyrir Erasmus+