Nýsköpun og ný tengsl - kynningarfundir
Skrifað
12.01.2026
Flokkur:
Fréttir
Nýsköpun og ný tengsl - kynningarfundir
KLAK – Icelandic Startups, Íslandsstofa, Tækniþróunarsjóður og Vísindagarðar HÍ halda kynningarfundi á Akureyri og Húsavík 21. janúar.
Á dagskrá eru fjögur stutt og hnitmiðuð 15 mínútna erindi:
– KLAK kynnir sín verkefni en félagið heldur úti metnaðarfullri dagskrá árið um kring fyrir einstaklinga með hugmyndir og fyrirtæki í vexti, þátttakendum að kostnaðarlausu.
– Tækniþróunarsjóður kynnir styrki fyrir nýsköpunarverkefni – frá hugmynd að markaði.
– Íslandsstofa segir frá aðgangi að alþjóðamörkuðum, erlendum fjármögnunartækifærum og hvernig byggja má upp öflugt tengslanet fyrir vöxt fyrirtækja.
– Vísindagarðar HÍ kynna stuðningsumhverfi sitt, nýsköpunarsamfélagið Mýrina og uppbyggingu nýs djúptækniseturs.
Að loknum erindum gefst góður tími fyrir spurningar, samtal og tengslamyndun. Tækifæri til að ræða eigin verkefni, fá ráðgjöf og tengjast beint fulltrúum stofnananna.
Upplýsingar um viðburðinn á Akureyri má finna hér.
Upplýsingar um viðburinn á Húsavík má finna hér.