Við minnum á þessa spennandi dagskrá sem fram fer í Hofi á Akureyri 14. maí!

• Viltu vera þátttakandi í samtali um menningu, ferðaþjónustu og framtíðina?
• Viltu heyra frá rannsakendum, skapandi frumkvöðlum og lykilfólki í mótun ferðamálastefnu?
• Hefurðu áhuga á markaðsmálum, gagnasöfnun, samstarfi og fjárfestingum í menningarferðaþjónustu?

Ráðstefnan Menningarauðlind ferðaþjónustunnar sameinar skapandi hugsun og stefnumótandi umræðu í Hofi 14. maí, þar sem við rýnum framtíð menningar, ferðaþjónustu og stefnumótun. Ekki eru lengur laus sæti í sal en svo sannarlega hægt að skrá sig í streymi --> Smelltu HÉR til að skrá þig.

Við hvetjum við öll sem hafa áhuga á eflingu atvinnugreina innan ferðaþjónustu og menningar til skráningar.
Ráðstefnan er þátttakendum að kostnaðarlausu.

Rannsóknasetur skapandi greina stendur að ráðstefnunni í samstarfi við fjölda aðila úr menningargeiranum og ferðaþjónustunni. Ráðstefnustjóri er Sigríður Örvarsdóttir, safnstjóri Listasafnsins á Akureyri.

Dagskrá

09:00 Ávarp - fulltrúi menningarmálaráðherra

09:10 Menningarferðaþjónusta í ferðamálastefnu

• Svanhildur Konráðsdóttir, formaður starfshóps um menningarferðaþjónustu í mótun ferðamálastefnu og forstjóri Hörpu.

09:20 Dæmisögur af menningarferðaþjónustu:

• Landnámssetrið í Borgarnesi - Sigríður Margrét Guðmundsdóttir, forstöðumaður Landnámssetursins
• Galdrasýning á Ströndum - Jón Jónsson, þjóðfræðingur
• 1238 Baráttan um Ísland - Freyja Rut Emilsdóttir, framkvæmdastjóri
• Bræðslan: Geta viðburðir styrkt brothættar byggðir? - Áskell Heiðar Ásgeirsson, lektor við Ferðamáladeild Háskólans á Hólum
• Þórbergssetur - Þorbjörg Arnórsdóttir, forstöðumaður Þórbergsseturs
• Lava Show - Ragnhildur Ágústsdóttir LadyLava, stofnandi LavaShow

10:30 Kaffihlé

10:45 Áfangastaðir - sögur, söfn og frumkvöðlastarf

Rannsóknir og þróunarverkefni:

• Vistkerfi menningararfs og ferðaþjónustu: Frásagnir og skapandi ferli til eflingar samfélaga og byggða - Katrín Anna Lund, prófessor í ferðamálafræði við Háskóla Íslands
• Sameiginleg hagsmunamál safna og ferðaþjónustu á Íslandi - Guðrún Dröfn Whitehead, lektor í safnafræði við Háskóla Íslands
• Óáþreifanlegur menningararfur: Þróun og sjálfbærni - Ingibjörg Benediktsdóttir, verkefnastjóri hjá Þekkingarneti Þingeyinga
• Túrismi, trauma og tækni til miðlunar - Sigurjón Baldur Hafsteinsson, prófessor í safnafræði við Háskóla Íslands

11:45 Stuttar umræður

12:00 Eurovision & Óskarsævintýrið á Húsavík - Myndband eftir Örlyg Hnefil Örlygsson, framleiðanda

12:10 Hádegisverður

13:00 Hópavinna

• Samstarf og klasahugsun
• Markaðs- og kynningarmál
• Vöruþróun og fjárfestingar
• Gagnasöfn og rannsóknaáætlun

14:30 Kaffihlé

14:50 Kynningar á hópastarfi og umræður

15:50 Lokaorð - fulltrúi atvinnuvegaráðherra

16:00 Ráðstefnu slitið

Rannsóknasetur skapandi greina (RSG) stendur að ráðstefnunni Menningarauðlind ferðaþjónustunnar, ráðstefnu um menningarferðaþjónustu og nýja ferðamálastefnu til 2030 þann 14. maí í Hofi, Akureyri. Ráðstefnan er haldin í samstarfi við Rannsóknamiðstöð ferðamála (RMF) og hlaut verkefnið styrk úr Hvata, sjóði menningar- og viðskiptaráðuneytisins. Einnig koma að ráðstefnunni fjöldi aðila úr menningargeiranum og ferðaþjónustunni.

Markmiðið með ráðstefnunni er að skoða samspil og hlutverk menningar í ferðaþjónustu. Enn fremur er ráðstefnunni ætlað að skoða hvernig efla má gagnasöfn og rannsóknavirkni sem stuðlað getur að þróun og framförum á sviði menningarferðaþjónustu.

Á ráðstefnunni gefst gestum kostur á að heyra margvíslegar dæmisögur um vel heppnaða menningarferðaþjónustu og fræðileg erindi um rannsóknir á þessu sviði. Allir þátttakendur geta tekið þátt í hópavinnu um fjögur þemu sem verður nýtt í að þróa rannsóknastefnu RSG á sviði menningarferðaþjónustu. Þemun eru: Samstarf og klasahugsun, Markaðs- og kynningarmál, Vöruþróun og fjárfestingar, Gagnasöfn og rannsóknaáætlun.

Viðburðinum verður streymt en gert verður hlé á streyminu meðan á hópavinnu stendur.

Viðburðurinn á facebook