Upptakturinn er tónsköpunarverkefni sem gefur börnum og ungmennum tækifæri til að þróa eigin tónlist og heyra hana flutta af atvinnuhljóðfæraleikurum. Verkefnið er styrkt af Sóknaráætlun Norðurlands eystra og fellur vel að markmiðum hennar um að efla menningarlíf, skapandi greinar og þátttöku ungs fólks á Norðurlandi.

Í tengslum við verkefnið fara fram tónleikar Upptaktsins þar sem sjö ný tónverk eftir unga tónskálda verða frumflutt. Ungu höfundarnir hafa unnið verk sín áfram í samstarfi við tónlistarkonuna og tónlistarstjóra verkefnisins, Grétu Salóme, sem sá einnig um útsetningu verkanna fyrir hljómsveit. Afrakstur þessarar vinnu verður fluttur af atvinnuhljóðfæraleikurum á tónleikunum.

Tónleikarnir, sem bera yfirskriftina „Ungir semja, fullorðnir flytja“, eru opnir öllum og er aðgangur ókeypis. Markmið verkefnisins er að styðja við sköpunargleði barna og ungmenna, efla sjálfstraust þeirra og skapa raunverulegan vettvang fyrir nýja tónlist á Norðurlandi. 

Upptakturinn er samstarfsverkefni sem byggir á samvinnu menningarstofnana og fagfólks í tónlist, og er hluti af Barnamenningarhátíðinni á Akureyri. Með stuðningi úr Sóknaráætlun Norðurlands eystra er lagður grunnur að áframhaldandi uppbyggingu verkefnisins og auknu aðgengi ungs fólks að menningarlegri sköpun og faglegum viðburðum í landshlutanum.

Nánari upplýsingar um tónleika Upptaktsins má finna á heimasíðu Menningarfélags Akureyrar.