Tónleikar Upptaktsins í Hofi á sunnudaginn

Áhersluverkefni ársins 2021 voru samþykkt þann 5. febrúar sl. á 21. stjórnarfundi SSNE. Um er að ræða 11 mikilvæg og metnaðarfull verkefni sem meðal annars er ætlað er að fylgja eftir áherslum sem lagðar eru fram á þingum samtakanna. Verkefnunum er öllum ætlað að vera lokið í apríl 2022. Alls var 60,7 m.kr. úthlutað að þessu sinni, þar af var úthlutun til Upptaktsins 1. m.kr.

Upptakturinn gefur ungu fólki tækifæri til að vinna að hugmyndum sínum með flutningi listafólks. Nú hafa tíu unghöfundar unnið með listafólki að útsetningu laganna. Afrakstur vinnunnar má sjá og heyra á tónleikunum. Unghöfundarnir eru frá Akureyri og Dalvíkurbyggð á aldrinum 12 – 15 ára.

Tónleikar Upptaktsins, tónsköpunarverðlauna barna og ungmenna, verða í Menningarhúsinu Hofi á sunnudaginn klukkan 17. Það voru 22 verk sem tóku þátt í samkeppninni, en dómnefnd valdi tíu verk sem komust áfram og verða þau flutt á tónleikunum af atvinnuhljóðfæraleikurum.

Unghöfundarnir og verk þeirra :
Aðalheiður Jóna Kolbeins Liljudóttir – Tröll og grjót
Daníel Hrafn Ingvarsson- Who are you tryna fool
Gísli Freyr Sigurðsson- Wicked WonderLand
Heimir Sigurpáll Árnason - Kveðja til þín
Jóhann Valur Björnsson - Uncertain River
Lea Dalstein Ingimarsdóttir – Fuglinn
Mahaut Ingiríður Matharel – XLIX
Óðinn Atlason- Desember
Reginn Ólafur Egilsson- Geimveran
Þórný Sara Arnarsdóttir og Amanda Eir Steinþórsdóttir - Loginn

Hljómsveitina skipa:
Daníel Þorsteinsson – píanó og celesta
Emil Þorri Emilsson – slagverk og trommur
Greta Salóme – fiðla og söngur
Kristján Edelstein – gítar
Magni Ásgeirsson – söngur
Phil Doyle – saxafónn og þverflauta
Steinunn Arnbjörg Stefánsdóttir – selló
Stefán Ingólfsson – bassi
Vilhjálmur Ingi Sigurðsson - trompet

Útsetning verkanna fyrir hljómsveit: Kristján Edelstein og Greta Salóme.
Tónlistarstjóri: Greta Salóme.

Upptakturinn er samstarfsverkefni Menningarhússins Hofs og Upptaktsins í Hörpu. Verkefnið er styrkt af SSNE

Enginn aðgangseyrir - en það þarf að tryggja sér miða inn á mak.is eða í miðasölu Hofs vegna samkomutakmarkana.

Upptakturinn er þátttakandi í Barnamenningarhátiðinni á Akureyri