Fundargerð - Menningarráð - 17.09.2013

46. fundur

Þriðjudaginn 17. September kl. 15.00 kom Menningarráð Eyþings saman til fundar að Strandgötu 29 Akureyri. Mættir eru: Arnór Benónýsson, Bjarni Valdimarsson,  Hanna Rósa Sveinsdóttir,  Logi Már Einarsson, Þórgunnur Reykjalín  og Kjartan Ólafsson á skype.  Hildur Stefánsdóttir boðaði forföll ekki náðist í varamann. Einnig mætt Ragnheiður Jóna Ingimarsdóttir menningarfulltrúi.  

Logi Már vék af fundi 15.45

 

 

Fundarsetning:

Formaður, Arnór Benónýsson, bauð fundarmenn velkomna til fundar og  gengið var til dagskrár.

Formaður óskaði eftir að bæta við lið á dagskrá fundarins undir trúnaðarmál.  Samþykkt samhljóða.

 

1. Trúnaðarmál

Bókað í trúnaðarbók.

 

2. Matskýrsla

Farið var yfir drög að matskýrslu á menningarsamningi.  Menningarráð telur þetta vera nokkuð góða samantekt af vinnustofu sem haldin var í vor á vegum Capacent. Endurspegla drögin þann anda sem ríkti á vinnustofunni um að menningarsamningurinn er að skila hlutverki sínu vel.  Engar ályktanir eða  niðurstaða liggur fyrir í meðfylgjandi drögum.

 

Menningarráð óskar eftir að sjá þær ályktanir sem dregnar verða af þessum drögum út frá því uppleggi sem lagt var upp með í 1. kafla á lýsingu á verkþáttum úttektarinnar.

 

Menningarfulltrúa og formanni falið að senda Capacent ábendingar um nokkrar augljósar staðreyndarvillur í samantektinni.

 

 

3. Stefna í menningarmálum á starfssvæði Eyþings

Síðasti dagur til að skila inn athugsemdum vegna stefnu í menningarmálum á starfssvæði Eyþings 2013-2020 var 5. september sl.  Engar athugasemdir bárust.  Samþykkt að stefnan fari í prentun og verði dreift á aðalfundi Eyþings 27.-28. september nk.

 

3. Leiðarþing

Arnór og Ragnheiður Jóna gerðu grein fyrir undirbúningi Leiðarþings sem haldið verður 12. október nk.  Menningarfulltrúa og formanni falið að halda vinnunni áfram samkvæmt umræðum á fundinum.

 

3. Önnur mál

Arnór og Ragnheiður Jóna gerðu grein fyrir væntanlegum flutningi Eyþings í Hafnarstræti 91-95.

Þórgunnur spurði um heimasíðu Eyþings og Menningarráðs.   Heimasíðan er í vinnslu.  Ragnheiður Jóna ýtir á að hún verði til hið fyrsta.

 

Fundi slitið 17.15