Á undanförnum áratugum hefur Menningar- og viðurkenningarsjóður KEA, veitt hverskonar menningarstarfsemi á félagssvæðinu fjárhagslegan stuðning.

Umsóknum þarf að skila í síðasta lagi föstudaginn 31. október 2025, hægt er að senda inn umsóknir á vefnum eða fylla út þar til gerð eyðublöð sem hægt er að nálgast á skrifstofu KEA. 

Umsóknir sem berast Menningar- og viðurkenningarasjóði KEA eru sendar til fagráða sem meta umsóknir og gefa þeim einkunn samkvæmt útgefnum viðmiðum. Vakin er athygli á því að aðilar eða verkefni geta ekki fengið úthlutun úr sjóðnum tvö ár í röð. Styrkir eru ekki veittir til hlutafélaga og sveitarfélaga (eða stofnanna þeirra). 

Umsækjendur eru hvattir til að kynna sér vel útlistun á hverjum flokki Menningar- og viðurkenningarsjóðs KEA:

• Flokkar Menningar- og viðurkenningarsjóðs KEA
• Fyrri úthlutunanir úr Menningar- og viðurkenningarsjóði KEA
• Reglugerð Menningar- og viðurkenningarsjóðs KEA
• Fyrirvarar vegna úthlutana úr sjóðnum.

Athygli skal vakin á því að launamiðar verða gefnir út vegna úthlutunar styrkja úr sjóðnum. Því er einstaklingum sem fá styrki bent á að halda til haga kvittunum vegna kostnaðar við viðkomandi verkefni. Umsækjendum er bent á að styrkir fyrnast séu þeir ekki sóttir innan tveggja ára frá úthlutun.

Umsóknareyðublöð:

• Menningar- og samfélagsverkefni
• Íþrótta- og æskulýðsstyrkir
• Ungir afreksmenn

Nánari upplýsingar um styrkja- og stuðningsflokka Menningar- og viðurkenningarsjóðs KEA:

1. Menningar- og samfélagsverkefni. Um er að ræða styrki til einstaklinga, þar á meðal ungs fólks, félaga eða hópa sem skara fram úr eða vinna að mikilvægum mennta- og menningarmálum á félagssvæðinu. Um er að ræða málefni á sviðum félagsmála, minjavörslu, lista og hverra þeirra málefna sem flokkast geta sem menningarmál í víðtækri merkingu. Fagráð metur umsóknir og gefur þeim einkunn. Í einkunnagjöf fagráðs felst mat á því hvaða umsóknir skulu teljast styrkhæfar.
   
   
2. Íþrótta- og æskulýðsstyrkir. Almenn markmið með styrkveitingum til íþrótta og æskulýðsmála eru:
   1. Að stuðla að því að börn og unglingar eigi kost á einhvers konar íþróttaiðkun nálægt heimili sínu eða skóla.
   2. Að íþróttamenn eða lið sem skara fram úr geti stundað markvissar æfingar og sótt mót við sitt hæfi.
   3. Að byggja upp aðstöðu sem er líkleg til að stuðla að ofangreindum markmiðum.
   4. Að styðja almennt við íþrótta- og æskulýðsstarfs klúbba og félaga sem halda úti metnaðarfullu starfi á sínu nærsvæði.