Skrifstofur SSNE verða lokaðar dagana 11. til 13. nóvember vegna Allsherjarfundar landshlutasamtaka sveitarfélaga og Byggðastofnunar sem fram fer í Borgarnesi.

Starfsfólk landshlutasamtakanna og Byggðastofnunar kemur þar saman til að ræða stöðu og framtíð byggðaþróunar, samstarf landshlutasamtakanna og hlutverk þeirra í atvinnu- og samfélagsþróun um land allt.

Á dagskrá eru meðal annars erindi um byggðaþróun hér á landi og á Norðurlöndum, kynningar á áhugaverðum byggðaþróunarverkefnum og vinnustofur þar sem rætt verður um verkefni sem eru í gangi, framtíðaráherslur og tækifæri til aukins samstarfs milli landshluta. Starfsfólk vinnur einnig saman í hópum eftir málaflokkum, svo sem atvinnuþróun, menningu, velferð, upplýsingamiðlun og ferðamálum.

Fundurinn stendur yfir í þrjá daga og felur jafnframt í sér heimsóknir og kynningu á starfsemi og verkefnum á Vesturlandi.

Skrifstofur SSNE opna aftur mánudaginn 16. nóvember.