Loftslagsmót er vettvangur fyrir fyrirtæki sem leitast eftir eða bjóða upp á ráðgjöf og lausnir, á sviði umhverfis- og loftslagsmála. Hér er átt við hverskyns lausnir sem styðja við loftslagsvænni rekstur. Loftlagsmótið var fyrst haldið í mars 2020 þar sem um 230 fundir voru haldnir með yfir 90 stofnunum og fyrirtækjum.

Markmið Loftslagsmóts eru að:

• Hvetja fyrirtæki til að kynna sér þær grænu lausnir sem eru í boði.
• Bjóða fyrirtækjum upp á vettvang til að kynna sínar lausnir og þjónustu.
• Stuðla að jákvæðum aðgerðum í rekstri fyrirtækja í þágu loftslagsmála.
  
  

  Dæmi um umfjöllunarefni að lausnum og/eða því sem óskað er eftir getur verið

  • ráðgjöf í tengslum við hvernig fyrirtæki geta tekið fyrstu skrefin í átt að umhverfisvænni rekstri.
  • betri aðferðir í flokkun
  • reiknivélar kolefnisspors
  • stefnumótun í umhverfis- og loftslagsmálum
  • lágmörkun úrgangs
  • rafrænt bókhald
  • kolefnisbókhald
  • umhverfisstjórnun
  • vottaðar byggingar
  • nýsköpun
  • sjálfbærar fjárfestingar

Allir sem skrá sig hafa þann kost að bóka fundi með öðrum þátttakendum á Loftslagsmótinu. Loftslagsmót 2021 leiðir saman fyrirtæki, stofnanir, frumkvöðla og aðra úr atvinnulífinu á stuttum fundum til að ræða málin og kynnast loftslagsvænum lausnum við hæfi. Eins fá fyrirtæki kost á því að eiga fundi við valda aðila úr stuðningsumhverfið sem veita ráðgjöf varðandi styrkjamöguleika, nýsköpunarþróun og vaxtamöguleika á alþjóðavettvangi.

Loftslagsmót 2021 fer fram með rafrænum hætti þann 21. apríl kl. 9-12. Nauðsynlegt er að skrá sig til að taka þátt.

Viðburðurinn er haldinn af Grænvangi, RANNÍS, Festu og Atvinnuvega- og nýsköpunarráðuneytið.

Nánari upplýsingar veita Birta Kristín Helgadóttir á birta@green.is og Katrín Jónsdóttir á katrin.jonsdottir@rannis.is

Skráning fer fram hér!