Fundur samráðsvettvangs Sóknaráætlunar Norðurlands eystra fór fram í vikunni þar sem fjölbreyttur hópur þátttakenda kom saman til að ræða framgang og framtíðaráherslur áætlunarinnar. Samráðsvettvangurinn gegnir lykilhlutverki í mótun stefnu fyrir landshlutann og tryggir að raddir íbúa, atvinnulífs, fræðasamfélags og félagasamtaka heyrist í stefnumótunarferlinu.

Á fundinum var farið yfir farveg Sóknaráætlunar, fjallað um Uppbyggingarsjóð og áhersluverkefni. Sérstök áhersla var lögð á mikilvægi nýrrar Sóknaráætlunar 2025–2029 sem miðar að því að efla atvinnulíf, styðja við blómlegar byggðir og tryggja sjálfbæra þróun.

Fundurinn markaði mikilvægt skref í áframhaldandi samráði og undirstrikaði mikilvægi þess að stefnumótun byggi á víðtæku samtali og þátttöku heimamanna.