Viðburðurinn Fiðringur fer fram 6. maí kl. 20:00 í Menningarhúsinu Hofi á Akureyri. Fiðringur er skapandi viðburður þar sem nemendur í 8.–10. bekk grunnskóla fá tækifæri til að tjá sig í gegnum ýmiss konar list- og sviðsframkomu. Nemendur vinna sjálfir að útfærslu atriða í samstarfi við leiðbeinendur. Verkefnið hefur hlotið stuðning úr Sóknaráætlun Norðurlands eystra 2025–2029 og fellur vel að markmiðum hennar um að efla menningarlíf, þátttöku ungs fólks og lifandi samfélög á Norðurlandi eystra.