Fara í efni

Uppbyggingarsjóður



Uppbyggingarsjóður Norðurlands eystra auglýsir eftir umsóknum fyrir árið 2022.

Umsóknarfrestur er til kl. 13:00 miðvikudaginn 10. nóvember 2021.

Veittir eru styrkir í
eftirfarandi þremur flokkum: 

  • Verkefnastyrkir á sviði atvinnuþróunar og nýsköpunar
  • Verkefnastyrkir á sviði menningar
  • Stofn- og rekstrarstyrkir á sviði menningar

     Í takt við sóknaráætlun landshlutans verður lögð sérstök áhersla á verkefni sem snúa að umhverfismálum  

         Uppbyggingarsjóður: Hagnýtar upplýsingar «

Hvað er Uppbyggingarsjóður Norðurlands eystra ?

  • Uppbyggingasjóðurinn er samkeppnissjóður sem hefur það hlutverk að styrkja verkefni sem falla að Sóknaráætlun Norðurlands eystra.
  • Samtök sveitarfélaga og atvinnuþróunar á Norðurlandi eystra (SSNE) annast umsýslu sjóðsins í landshlutanum.
  • Sjóðurinn auglýsir opinberlega minnst einu sinni á ári eftir umsóknum um styrki.
  • Sjóðurinn styrkir að jafnaði ekki meira en 50% af heildarkostnaði verkefna.
  • SSNE fylgir verklagsreglum vegna úthlutana úr sjóðnum þar sem meðal annars koma fram hvaða upplýsingar þurfa að liggja fyrir frá umsækjendum, hvað telst styrkhæfur kostnaður og hvaða viðmið gilda við mat verkefna. Þá er einnig hægt að nálgast matsblað sjóðsins hér sem notað er til að meta allar umsóknir. Í verklagsreglum eru upplýsingar um fyrirkomulag vegna útborgunar styrkja og uppgjör verkefna.
  • Stofnanir, opinber hlutafélög og samtök í meirihlutaeigu ríkis eða sveitarfélaga skulu að jafnaði ekki vera leiðandi aðili í verkefnum styrktum af uppbyggingarsjóði hlandshlutans.

    Merki Sóknaráætlunar  (Portrait)   Merki Sóknaráætlunar (Landscape)

Hvernig verkefni eru styrkhæf ?

Umsækjendum er bent á að kynna sér vel og styrkja þannig umsóknir sínar:

  1. Verklagsreglur sjóðsins.
  2. Áherslur Sóknaráætlunar Norðurlands eystra og tengja þær áherslur við útfærslur á verkefni umsækjanda.
  3. Upplýsingar um mat verkefna.
  4. Hér má finna góð ráð varðandi umsóknarskrif.
  • Umsækjendur skulu vera lögráða einstaklingar, félagasamtök, fyrirtæki, stofnanir eða sveitarfélög á Norðurlandi eystra.  
  • Uppbyggingarsjóður styrkir að jafnaði ekki meira en 50% af styrkhæfum heildarkostnaði verkefna.  
  • Verkefnum skal lokið fyrir árslok 2022.  

Hvar sæki ég um ?

  • Sótt er um á rafrænu umsóknarformi Uppbyggingarsjóðs Norðurlands eystra.
    • Nauðsynlegt er að skráning í umsóknarkerfi sé á auðkenni umsækjanda.
    • Umsóknir fyrir lögaðila (félög og fyrirtæki) þurfa  að vera skráðar á kennitölu viðkomandi. Því er nauðsynlegt að sækja um á íslykli eða rafrænum skilríkjum viðkomandi aðila. 
  • Til aðstoðar er gott að nýta sér þetta skjal við kostnaðargreiningu áður en fyllt er inn í þann hluta umsóknarformsins.
  • Opnað verður fyrir umsóknir þann 4. október og er umsóknarfrestur til kl. 13:00 miðvikudaginn 10. nóvember 2021.

Úthlutunarnefnd

Hlutverk nefndarinnar er að velja þau verkefni sem styrkt verða, á grundvelli faglegs mats og í takt við markmið Sóknaráætlunar Norðurlands eystra. Við úthlutun styrkja skal gæta jafnræðis, hlutlægni, gagnsæis og samkeppnissjónarmiða. Í úthlutunarnefnd sitja formenn fagráða SSNE auk þriggja annarra sem skipaðir eru af SSNE. Starfsmenn SSNE eða skyldra aðila geta ekki setið í úthlutunarnefnd.

〉〉 Katrín Sigurjónsdóttir, formaður
〉〉 Eva Hlín Dereksdóttir, formaður fagráðs atvinnuþróunar og nýsköpunar
〉〉 Hulda Sif Hermannsdóttir, formaður fagráðs menningar
〉〉 Ottó Elíasson, formaður fagráðs umhverfismála
〉〉 Guðni Bragason
〉〉 Thomas Helmig

Varamenn:
Jan Axel Klitgaard
Guðrún Sigríður Tryggvadóttir
Sveinn Margeirsson

Hvernig virkar rafræna umsóknarformið ?

  • Hér er hægt að horfa á myndband með leiðbeiningum um gerð umsókna:

  • Góð ráð og leiðbeiningar við gerð umsókna.
  • Rafrænar vinnustofur
    Haldnar verða tvær rafrænar vinnustofur um sjálft umsóknarferlið fyrir styrkumsækjendur.
    • kl. 12:00, þriðjudaginn 12. október 2021.
    • kl. 17:00, fimmtudaginn 21. október 2021.
    • Mikilvægt er að skrá þátttöku hér til að fá fundarboð.

Hvenær er úthlutað ?

  • Næsta úthlutun úr sjóðnum verður 21. janúar 2022.
  • Umsóknarfrestur er til kl. 13 miðvikudaginn 10. nóvember 2021.

Fyrri úthlutanir uppbyggingarsjóðs Norðurlands eystra

Styrkþegar Uppbyggingarsjóðs Norðurlands eystra 2021
Umsóknarfrestur til styrkja fyrir árið 2021 var 4. nóvember 2020.
Úthlutunarhátíð var haldin miðvikudaginn 3. febrúar og var rafræn að þessu sinni vegna samkomutakmarkana og var vel sótt af styrkþegum þessa árs.
Alls bárus 201 umsóknir en 85 verkefni fengu styrkvilyrði að upphæð samtals 75 mkr. Þar af voru 34 verkefni á sviði atvinnuþróunar og nýsköpunar styrkt um samtals 37,5 mkr, 38 verkefni á sviði menningar voru styrkt um 23,1 mkr og 13 verkefni hlutu stofn- og rekstrarstyrk á sviði menningar.

Styrkþegar Uppbyggingarsjóðs Norðurlands eystra 2020
Umsóknarfrestur til styrkja fyrir árið 2020 var 7. nóvember 2019.
Alls bárust 158 umsóknir, þar af 68 til atvinnuþróunar og nýsköpunar og 90 til menningar. Samtals var sótt um tæpar 335 mkr., um 190,3 mkr. til atvinnuþróunar og nýsköpunar, 144,6 mkr. til menningar.
Á úthlutunarhátíð sem fram fór í Skjólbrekku í Mývatnssveit föstudaginn 7. Febrúar fengu 82 verkefni styrkvilyrði að upphæð samtals 76 mkr. Þar af voru 32 verkefni á sviði atvinnuþróunar og nýsköpunar styrkt um samtals 38 mkr og 50 verkefni á sviði menningar styrkt um samtals 38 mkr.

Styrkþegar Uppbyggingarsjóðs Norðurlands eystra 2019
Umsóknarfrestur til styrkja fyrir árið 2019 var 7. nóvember 2018.
Alls bárust 132 umsóknir þar sem samtals var sótt um rúmlega 305 mkr. Þar af voru 50 umsóknir um samtals 161 mkr. til atvinnuþróunar og nýsköpunar og 82 umsóknir um samtals 145 mkr. til menningarstarfs.
Úthlutun styrkja fór fram föstudaginn 8. febrúar, og fengu 78 verkefni styrkvilyrði að upphæð samtals 80 mkr. Þar af voru 28 verkefni á sviði atvinnuþróunar og nýsköpunar og 50 á sviði menningar

Styrkþegar Uppbyggingarsjóðs Norðurlands eystra 2018
Umsóknarfrestur til styrkja á árinu 2018 var 29. nóvember 2017, og var nú í fyrsta sinn notast við rafræna umsóknargátt.
Alls bárust 133 umsóknir, þar af 51 til atvinnuþróunar og nýsköpunar og 82 til menningar. Samtals var sótt um rúmlega 271 m.kr.
Úthlutun styrkja fór fram fimmtudaginn 1. febrúar og fengu 85 verkefni styrkvilyrði að upphæð samtals 100 m.kr. Þar af voru 36 verkefni á sviði atvinnuþróunar og nýsköpunar og 49 á sviði menningar.

Eldri úthlutanir uppbyggingarsjóðs Norðurlands eystra
Úthlutun 2017 Úthlutun 2016 Úthlutun 2015-2 Úthlutun 2015-1

Hvernig er ferlið ef verkefnið hlýtur styrk ?

Ef stiklað er á stóru eru skrefin þessi:

  1. Gerður er skriflegur samningur (sjá nánar í Verklagsreglum)
  2. Verkefni þarf að hefjast innan 3 mánaða eftir undirritun.
  3. Styrkþegi skilar framvinduskýrslu samkvæmt samkomulagi í samningi.
  4. Styrþegi skilar lokaskýrslu þegar verkefni er lokið.
    〉〉 Athugið að allar beiðnir og breytingar þurfa að berast starfsfólki SSNE.
Aðstoð og nánari upplýsingar veita:
Ari Páll Pálsson
aripall@ssne.is sími: 464-5412
Rebekka K. Garðarsdóttir
rebekka@ssne.is sími: 464-5405
Hildur Halldórsdóttir
hildur@ssne.is sími: 464-5402

Ertu með spurningu?